বিশেষ বাৰ্তা, ৭ আগষ্টঃ সংসদৰ সদস্যপদ পুনৰ ঘূৰাই পোৱাৰ পাছত কংগ্ৰেছৰ মুখ্য কাৰ্যালয়ত উপস্থিত হোৱা ৰাহুল গান্ধীয়ে সাংবাদিকৰে মত বিনিময় কৰে। আজি সংসদৰ পৰা উভতি আহি পোনে পোনে ২৪ আকবৰ ৰোডত থকা কংগ্ৰেছৰ মুখ্য কাৰ্যালয়লৈ গৈ এখন সভাত অংশগ্ৰহণ কৰে। এই সময়ত ৰাহুল গান্ধীক খুব সুখী যেন লাগিছিল আৰু তাত উপস্থিত থকা সংবাদ মাধ্যমৰ লোকসকলকো সুধিছিল, “কি হৈছে, আপোলোককো বৰ সুখী যেন লাগে!” মোদী উপাধিৰ সৈতে জড়িত অপৰাধমূলক মানহানিৰ গোচৰত উচ্চতম ন্যায়ালয়ে ৰাহুল গান্ধীক সকাহ দিয়াৰ পাছত কংগ্ৰেছ আৰু বিৰোধী মিত্ৰজোঁট INDIAৰ নেতাসকলেও সুখ প্ৰকাশ কৰিছে। কংগ্ৰেছ কৰ্মীসকলৰ মাজতো লাডু বিতৰণ কৰা হৈছে। সোমবাৰে যেতিয়া ৰাহুল গান্ধী সংসদত উপস্থিত হয়, তেতিয়া বৰ্তমানৰ দল আৰু মিত্ৰজোঁটৰ সাংসদসকলেও তেওঁক উষ্ম ৰূপত আদৰণি জনায়। এই সময়ত ৰাহুল গান্ধী আগবাঢ়ক, আমি আপোনাৰ লগত আছো বুলি শ্লোগান দিয়ে। শুকুৰবাৰে উচ্চতম ন্যায়ালয়ে এই গোচৰত ৰাহুল গান্ধীৰ দোষী সাব্যস্ত হোৱাৰ বিৰুদ্ধে স্থগিত ৰাখিছিল, যাৰ বাবে ৱায়ানাড লোকসভা সমষ্টিৰ পৰা তেওঁৰ সদস্যপদ পুনৰ ঘূৰাই পাইছিল। লোকসভা সচিবালয়ে এক অধিসূচনাযোগে কয় যে, “উচচতম ন্যায়ালয়ৰ ৪ আগষ্টৰ সিদ্ধান্তৰ পৰিপ্ৰেক্ষিতত ৰাহুল গান্ধীৰ অযোগ্যতা সন্দৰ্ভত ২৪ মাৰ্চৰ অধিসূচনাৰ কাৰ্যকৰীকৰণ পৰৱৰ্তী ন্যায়িক সিদ্ধান্ত পৰ্যন্ত স্থগিত ৰখা হৈছে।” ১৩৭ দিনৰ অন্তত আজি সংসদত উপস্থিত হয় ৰাহুল গান্ধী। গুজৰাটৰ চুৰাট আদালতে ২০১৯ চনত ৰাহুল গান্ধীয়ে মোদীৰ উপাধি সন্দৰ্ভত কৰা মন্তব্যৰ সন্দৰ্ভত চলিত বৰ্ষৰ ২৩ মাৰ্চত দুবছৰৰ কাৰাদণ্ডৰ শাস্তি প্ৰদান কৰে। ইয়াৰ পিছত বিষয়টো উচ্চ ন্যায়ালয়ত আওতালৈ আহে আৰু ৰাহুল গান্ধীৰ শাস্তি ৰক্ষা কৰে। উচ্চ ন্যায়ালয়ৰ এই সিদ্ধান্তক উচ্চতম ন্যায়ালয়ত প্ৰত্যাহ্বান জনাইছিল ৰাহুল গান্ধীয়ে। গোটেই বিষয়টোৰ সময়ছোৱাত ৰাহুল গান্ধীৰ সংসদত বহু ব্যৱধান আছিল। আজি ১৩৭ দিনৰ অন্তত তেওঁ সংসদত উপস্থিত হয়। সংবাদ সংস্থা এএনআইৰ মতে, অনাস্থা প্ৰস্তাৱ সন্দৰ্ভত আলোচনাত ৰাহুল গান্ধীয়ে ৮ আগষ্টত লোকসভাত ভাষণ দিব পাৰে। সদনত কংগ্ৰেছৰ হৈ তেওঁ এই বিতৰ্কৰ সূচনা কৰাৰ সম্ভাৱনা আছে।