বাৰ্তা ডিজিটেল ডেস্ক, ৮ জানুৱাৰীঃ বহুদিনৰ মূৰত অযোধ্যাত ৰাম মন্দিৰ নিৰ্মাণ হবলৈ ওলাইছে। ভগৱান শ্ৰীৰামৰ মন্দিৰ নিৰ্মাণৰ বাবে সকলো ভক্তই আগ্ৰহেৰে অপেক্ষা কৰি আছিল। আৰু এতিয়া এই অপেক্ষা প্ৰায় শেষ। অতি দ্ৰুতগতিত চলি আছে মন্দিৰ নিৰ্মাণৰ কাম। চলিত মাহৰ ২২ তাৰিখে অযোধ্যাত ভগৱান ৰাম মন্দিৰৰ অভিষেক কাৰ্যসূচীও অনুষ্ঠিত হ’ব। য’ত ভাৰতৰ প্ৰধানমন্ত্ৰীকে ধৰি দেশৰ সকলো ডাঙৰ ব্যক্তিয়েও অংশগ্ৰহণ কৰিব। ইয়াৰ সমান্তৰালকৈ ভাৰতৰ বিভিন্ন চহৰৰ পৰাও বহু ভক্তই এই কাৰ্যসূচীত অংশগ্ৰহণ কৰিব। ইয়াৰ বাবে ৰে’লৱে বিভাগে বিশেষ ব্যৱস্থা কৰিছে। সমগ্ৰ ভাৰতৰ পৰা এহেজাৰৰো অধিক ৰে’ল চলাচল কৰিব। ভাৰতীয় ৰেলৱেয়ো ভগৱান শ্ৰীৰামৰ দৰ্শন কৰিবলৈ অযোধ্যালৈ অহা ভক্তসকলক উন্নত সুবিধা প্ৰদানৰ বাবে হাজাৰৰো অধিক ৰেল চলাচল কৰাৰ সিদ্ধান্ত গ্ৰহণ কৰিছে। এই আটাইকেইখন ৰে’ল ভাৰতৰ বিভিন্ন চহৰৰ পৰা চলিব। এই চহৰসমূহৰ ভিতৰত দিল্লী, মুম্বাই, চেন্নাই, বেংগালুৰু, পুনে, কলকাতা, নাগপুৰ, লক্ষ্ণৌ আৰু জম্মুৰ দৰে চহৰসমূহ বিশিষ্ট হ’ব। ইয়াৰ সমান্তৰালকৈ ৰে’লৱেই চাহিদা অনুসৰি আৰু অধিক বৃদ্ধি কৰা হ’ব বুলিও জানিবলৈ দিছে। ১৯ জানুৱাৰীৰ পৰা আৰম্ভ হ’ব এই সকলোবোৰ ৰে’ল। ভগৱান ৰাম মন্দিৰ নিৰ্মাণ হোৱাৰ লগে লগে অযোধ্যাত ভক্তৰ ভিৰ ইমানেই বেছি হ’ব যে চম্ভালিব নোৱাৰাকৈয়ে বেছি হ’ব। এই কথা মনত ৰাখি অযোধ্যা ৰেল ষ্টেচনৰ মেকঅভাৰো কৰা হৈছে। বৰ্তমান ৰেলৱে ষ্টেচনত সংস্কাৰৰ কাম চলি আছে। ইয়াত কমেও ৫০ হাজাৰৰ পৰা ১ লাখ যাত্ৰী থাকিব পাৰে। ইয়াৰ সমান্তৰালকৈ ৰেলৱেই অযোধ্যাত যাতায়াতৰ সুবিধাৰ বাবে প্ৰয়োজনীয় বস্তুৰ লগতে ভাল কেটাৰিঙৰ ব্যৱস্থা কৰিবলৈও আই আৰ চি টি চিক কৈছে।