নিয়মীয়া বাৰ্তা, ১২ আগষ্ট : নলবাৰী জিলাৰ ঘগ্ৰাপাৰ ৰাজহ চক্ৰৰ অন্তৰ্গত কুন্দৰগাঁও জাৱৰিহাটীৰ এগৰাকী নৱম শ্ৰেণীৰ ছাত্ৰ নিৰুদ্দেশৰ ঘটনাই সমগ্ৰ অঞ্চলটোতে তীব্ৰ চাঞ্চল্যৰ সৃষ্টি কৰিছে। মফিদুল ইছলাম ওৰফে ৰিহানক বিচাৰি কান্দোনত ভাগি পৰিছে পৰিয়ালটো। বাহৰুল ইছলাম আৰু মঞ্জুৱাৰা বেগমৰ ১৫ বছৰীয়া পুত্ৰ সন্তান ৰিহান দেওবাৰৰ পৰা নিৰুদ্দেশ হৈ আছে। দেওবাৰে পিতৃ-মাতৃয়ে পথাৰৰ পৰা ভূঁই ৰুই আহি গধূলিৰ সময়ত ঘৰখনত পুত্ৰক বিচাৰি নাপাই ওচৰ-চুবুৰীয়া তথা আত্মীয়-স্বজনৰ ওচৰত খবৰ কৰে যদিও পুত্ৰৰ সন্ধান নাপালে। উপায়হীন হৈ আজি পৰিয়ালে ঘগ্ৰাপাৰ থানাত এজাহাৰ দাখিল কৰে। কোনো সদাশয় লোকে যদি মফিদুলৰ সন্ধান লাভ কৰে, তেন্তে ওচৰৰ আৰক্ষী থানা নাইবা 9864569752/9864092309 নম্বৰত যোগাযোগ কৰিবলৈ অনুৰোধ জনাইছে।
প্ৰেৰক শ্বাহ আলম আহমেদ