নিয়মীয়া বাৰ্তা, ১৬ জানুৱাৰীঃ বিশ্বনাথত ম’হৰ মুক্ত বিচৰণৰ শ্বাসৰুদ্ধকৰ পৰিস্থিতিৰ কালি অন্ত পৰে দুগৰাকী লোকৰ প্ৰাণনাশৰ লগতে ম’হটোক কৰা হত্যাৰ মাজেৰে। আজি আন এক বন্য জন্তু গঁড়ৰ মুক্ত বিচৰণ দেখা গৈছে কলিয়াবৰত।
কলিয়াবৰৰ জমখলা হাজাৰ মন্দিৰৰ চৌহদত গঁড়টোৰ মুক্ত বিচৰণ প্ৰত্যক্ষ কৰা যায়। কাজিৰঙাৰ পৰা ওলাই অহা গঁড়টোৰ অৱস্থিতি সন্দৰ্ভত বন বিভাগক অৱগত কৰোৱাৰ পিছত বন বিভাগৰ লোক উপস্থিত হয় গঁড়টোক বনাঞ্চললৈ খেদি পঠিয়াবলৈ চেষ্টা চলাই যদিও এতিয়াও সক্ষম হোৱা নাই।
গঁড়টো প্ৰত্যক্ষ কৰিবলৈ অহা মানুহৰ অবাধ সমাগমে বিপজ্জনক পৰিস্থিতিৰ সৃষ্টি কৰাৰ আশংকা কৰা হৈছে। অৱশ্যে বন বিভাগ এইক্ষেত্ৰত সষ্টম হৈ আছে।