বিশেষ বাৰ্তা, ২৬ ডিচেম্বৰ : দেশৰ ১০০গৰাকী সফল মহিলাৰ তালিকাত স্থান লাভ প্ৰাইড ইষ্ট এণ্টাৰটেইনমেণ্টছৰ চিএমডি ৰিণিকি ভূঞা শৰ্মাৰ। উদ্যোগ, বাণিজ্য আৰু সংবাদ সেৱা ক্ষেত্ৰলৈ আগবঢ়োৱা অনবদ্য বৰঙণিৰ বাবে INDIA TODAYৰ TOP 100 WOMEN ACHIEVERSত স্থান লাভ কৰিছে ৰিণিকি ভূঞা শৰ্মাই। ৰাজনীতি, বিজ্ঞান, কলা, ব্যৱসায়, মনোৰঞ্জন, ক্ৰীড়া আদিকে ধৰি বিভিন্ন ক্ষেত্ৰৰ সফল মহিলাসকলে এই তালিকাত স্থান লাভ কৰিছে। ৰাষ্ট্ৰপতি দ্ৰৌপদী মুৰ্মুৰ পৰা আৰম্ভ কৰি জ্যোতি পদাৰ্থ বিজ্ঞান প্ৰতিষ্ঠানৰ পৰিচালক অন্নপূৰ্ণি সুব্ৰমণিয়মকে ধৰি বিভিন্ন ক্ষেত্ৰত কৃতিত্ব দেখুওৱা বিশিষ্ট মহিলাসকলৰ নাম সন্নিৱিষ্ট হৈছে এই তালিকাত। INDIA TODAYৰ এক সমীক্ষাত THE SHE LISTৰ ১০০গৰাকী সফল মহিলাৰ তালিকাত স্থান লাভ কৰি সমগ্ৰ উত্তৰ-পূৰ্বাঞ্চললৈ গৌৰৱ কঢ়িয়াই আনিছে প্ৰাইড ইষ্ট এণ্টাৰটেইনমেণ্টছৰ চিএমডি ৰিণিকি ভূঞা শৰ্মাই।