নিয়মীয়া বাৰ্তা, ১০ ফেব্ৰুৱাৰীঃ চামগুৰিৰ ৰঙাগড়ত আজি পুৱা ভয়ংকৰ পথ দুৰ্ঘটনা সংঘটিত হয়। ডাম্পাৰ আৰু টাটা ম’বাইলৰ মাজত মুখামুখি খুন্দা লগাৰ ফলত গুৰুতৰভাৱে আহত হয় টাটা ম’বাইলৰ চালক-হেণ্ডিমেন।
কঁঠালগুৰিৰ পৰা আমনিগাঁৱলৈ গৈ থকা শিলভৰ্তি ডাম্পাৰখনে চুপাৰি কঢ়িয়াই যোৰহাটৰ পৰা নগাঁও অভিমুখে আহি থকা টাটা ম’বাইলখনক মহটিয়াই নিয়ে। ঘটনাৰ বিৱৰণী মতে, একেলগে আহি থকা দুখন ডাম্পাৰৰ প্ৰথমখনৰ চকা ব্ৰাষ্ট হোৱাৰ বাবে পিছৰখনে অভাৰটেক কৰোঁতে খুন্দা লাগে বিপৰীত ফালৰ পৰা আহি থকা টাটা ম’বাইলখনেৰে।
পুৱা ৭.৪৫ বজাত সংঘটিত দুৰ্ঘটনাটোৰ ফলত গুৰুতৰভাৱে আহত টাটা ম’বাইলখনৰ চালক-হেণ্ডিমেনক হাস্পতালত ভৰ্তি কৰোৱা হয়।