নিয়মীয়া বাৰ্তা, ২ এপ্ৰিলঃ কোকৰাঝাৰৰ দোতমা শিক্ষাখণ্ডৰ অধিন চিথিলাত ৰেয়েল একাডেমি নামৰ এখন ব্যক্তিগতখণ্ডৰ বিদ্যালয়ৰ শুভ উদ্বোধন কৰে। উক্ত অনুষ্ঠানৰ কাৰ্যসূচী অনুসৰি পুৱা ১০ বজাত ৰয়েল একাডেমিৰ পতাকা উত্তোলন কৰি অনুষ্ঠানৰ শুভউদ্বোধন কৰে পৰিচালনা সমিতিৰ সভাপতি মোজাহাৰ ইছলামে। ইয়াৰ পিছত অনুষ্ঠিত হয় ৰয়েল একাডেমিৰ মূল তোৰনৰ ৰঙা ফিতা কাটি দ্বাৰ মুকলি কৰে অধ্যক্ষ দ্বীজেন্দ্ৰ বৰ্মনে ইয়াৰ লগে লগে কাৰ্য্যালয়ৰ দ্বাৰ মুকলি কৰে স্বামী যোগান্দগিৰি মহাবিদ্যালয়ৰ প্ৰাক্তন অধ্যক্ষ ড: পৰেশ চন্দ্ৰ ৰায় আৰু শ্ৰেনী কোঠাৰ দ্বাৰ মুকলি কৰে সৰ্বশিক্ষা মিছনৰ কোকৰাঝাৰ জিলা আচনি বিষয়া জাহাংগীৰ হুচেইনে। বিদ্যালয়খনৰ দ্বাৰ মুকলি কৰাৰ লগে লগেে অনুষ্ঠিত হয় এখন মুকলি সভাও। উক্ত মুকলি সভাত উপস্থিত থাকে স্থানীয় সমাজ সেৱক দিলদাৰ আলী, ড: লুতফৰ ৰহমান, শিক্ষক সুবনলাল, প্ৰাক্তন ভাৰতীয় সেনা বিষয়া ধৰনীকান্ত বৰ্মন, এবিএমছুৰ উপসভাপতি আলী আজম সেখ, সদৌ অসম বাঙালী যুবছাত্ৰ ফেডাৰেছনৰ কোকৰাঝাৰ জিলা সভাপতি ইন্দ্ৰজীৎ দেবনাথ লিয়কত আলী আদিয়ে ।
প্ৰেৰক কৃষ্ণ