নিয়মীয়া বাৰ্তা, ১৬ আগষ্ট : ৰূপহী ছিনিয়ৰ ছেকেণ্ডাৰী স্কুলত মহাৰজত জয়ন্তী উপলক্ষে ব্যাপক প্ৰস্তুতি চলাই থকা দেখা গৈছে ৷ বৃহত্তৰ ৰূপহীহাট অঞ্চলৰ অগ্ৰণী শিক্ষানুষ্ঠান ৰূপহী ছিনিয়ৰ ছেকেণ্ডাৰী স্কুলে গৌৰৱোজ্জ্বল ৭৫ বছৰ অতিক্ৰম কৰিলে। তদুপলক্ষে বছৰজোৰা কাৰ্যসূচীৰে চলি থকা মহাৰজত জয়ন্তীৰ সামৰণী অনুষ্ঠানটি অহা ৯ আৰু ১০ নৱেম্বৰত উলহ-মালহেৰে অনুষ্ঠিত কৰিবলৈ পূৰ্ণ প্ৰস্তুতি চলাইছে বুলি সংবাদ মেলযোগে জনায় বিদ্যালয়খনৰ অধ্যক্ষ আৰু পৰিচালনা সমিতিৰ সভাপতিগৰাকীয়ে। লগতে ৰূপহী উচ্চতৰ মাধ্যমিক বিদ্যালয়ৰ মহাৰজত জয়ন্তীৰ মুখ্য কাৰ্যালয় এটিও মুকলি কৰাৰ লগতে বিদ্যালয়খনৰ প্ৰাক্তন ছাত্ৰ-ছাত্ৰী, অভিভাৱকৰ লগতে অঞ্চলৰ গুণী-জ্ঞানী লোকসকলে অনুষ্ঠানভাগি সাফল্যমণ্ডিত কৰিবলৈ উঠি-পৰি লাগিছে বুলি সংবাদ মেলযোগে জানিবলৈ দিছে ৷
প্ৰেৰক জহিৰুল ইছলাম