নিয়মীয়া বাৰ্তা, ১৭ জানুৱাৰী : সৰ্থেবাৰীৰ জ্যেষ্ঠ কহাঁৰ শিল্পী তথা ঘোষানামৰ বিশিষ্ট পাঠক অলকানন্দ পাঠক শিল্পী পেন্সনৰ বাবে নিৰ্বাচিত হোৱাত সৰ্থেবাৰীৰ কাঁহ শিল্পী সকল আনন্দিত হৈছে। প্ৰায় বিশিষ্ট বছৰ পূৰ্বৰ পৰাই শিল্পখ পেন্সনৰ বাবে আবেদন জনাইছিল অহা শিল্পী অলকানন্দ পাঠকক পুৰ্বে শিল্পীৰ স্বীকৃতিস্বৰূপে এককালীন সাহাৰ্য্য প্ৰদান কৰিছিল।আৰু এইবাৰ শিল্পী পেন্সনৰ বাবে নিৰ্বাচিত কৰাত সৰ্থেবাৰী প্ৰেছ ক্লাৱ, সৰুক্ষেত্ৰী কেন্দ্ৰীয় আঞ্চলিক ছাত্ৰ সন্থাৰ সম্পাদক গীতাৰ্থ ডেকা, সাংবাদিক উজ্জ্বল ডেকা, জ্যেষ্ঠ সাংবাদিক চক্ৰেশ্বৰ ডেকা আদিয়ে শুভেচ্ছা জ্ঞাপন কৰে।অলকানন্দ পাঠক এগৰাকী ওজা কঁহাৰ শিল্পী হোৱাৰ লগতে সৰ্থেবাৰী পাঁচ খেল গঞা গয়ৰহৰ বৰপাঠক হিচাপে বহুবছৰ কাৰ্যনিৰ্বাহ কৰিছিল। ইপিনে যাত্ৰা জগতত অভিনয় কৰি সুদীৰ্ঘ কাল ৰাইজৰ আদৰ লাভ কৰি অহা অভিনয় শিল্পী তথা এগৰাকী সুদক্ষ বাঁহ বেতৰ শিল্পী সৰ্থেবাৰীৰ অচ্যুতমল্ল পাটোৱাৰী আৰু কঁহাৰ শিল্পী কণক ডেকাক এইবাৰ এককালীন সাহাৰ্য্যৰ বাবে নিৰ্বাচিত কৰাত দুয়োগৰাকী শিল্পীকে দল সংগঠনৰ পৰা শুভেচ্ছা জ্ঞাপন কৰা হয় ইপিনে পুৰ্বে তিনিবাৰকৈ এককালীন সাহাৰ্য্য লাভ সুদক্ষ ওজা কঁহাৰ শিল্পী মৃগেন পাঠক পুনৰবাৰ এককালীন সাহাৰ্য্যৰ বাবে মৰণোত্তৰ ভাবে নিৰ্বাচিত হয়।আনহাতে সুদক্ষ অভিনেতা তথা নৃত্য পৰিচালক প্ৰয়াত গুণেশ্বৰ ভূঞাৰ পৰিয়াললৈ পৰিয়াল পেন্সন আগবঢ়োৱা হৈছে।
প্ৰেৰক নকুল তালুকদাৰ