নিয়মীয়া বাৰ্তা, ৩০ মেঃ জোনাই মহকুমাৰ উজনি বিজয়পুৰত মূৰ্কংচেলেকৰ পৰা লিডু অভিমুখী যাত্ৰী ৰে’লখনে মহতিয়াই নিলে এখন স্ক’ৰপিঅ বাহন। আজি দিনৰ প্ৰায় ৩-৪৫ বজাত AR 09B0714 নম্বৰ স্ক’ৰপিঅখনে ৰে’লআলি পাৰ কৰোঁতে উজনি বিজয়পুৰত মূৰ্কংচেলেক লিডু অভিমুখী চলন্ত ৰে’লখনে মহটিয়াই লৈ যায়৷ বাহনখনত চাৰিজন যাত্ৰী আছিল৷ দুৰ্ঘটনাত পতিত লোক কেইজনক লগে লেগে স্থানীয় ৰাইজে ১০৮ সেৱা মাতি ৰুকচিনস্থিত দ্বিপজনি নাৰ্চিংহোমত চিকিৎসাৰ বাবে নিয়াৰ ব্যৱস্থা কৰে। আঘাতপ্ৰাপ্ত লোকেইজন হ’ল পূৱ চিয়াং জিলাৰ চেৰাম গাঁৱৰ কালিং মিটকং (৪০), এন্তনি গামন্ন (৩৯), কেপ্তেইন মদি( ৫৮) আৰু ঙমপক গাঁৱৰ অশোক ময়ং (৬১) বুলি জানিব পৰা গৈছে ৷ ইয়াৰে কেপ্তেইন মদিক সংকটজনক অৱস্থাত ডিব্ৰুগড়লৈ প্ৰেৰণ কৰিছে৷ বাকী তিনিজনক পাছিঘাটলৈ প্ৰেৰণ কৰিছে৷ ৰে’ল লাইনত ৰে’ল ক্ৰচিং নথকাৰ ফলতে ঘটনা সংঘটিত হৈছে বুলি ৰাইজে জানিবলৈ দিছে।
প্ৰেৰক কৰবী দলে