বিশেষ বাৰ্তা, ১০ জুনঃ শাৰীৰিকভাৱে অসুস্থ বিশিষ্ট লেখিকা শৰ্মিষ্ঠা প্ৰীতমক সদৌ নগাঁও ৰঙালী বিহু উৎসৱ উদযাপন সমিতিৰ তৰফৰ পৰা আজি কিছু আৰ্থিক সাহায্য প্ৰদান কৰা হয়। বিহু উৎসৱৰ ৰাহি হোৱা ধনৰ ১১ হাজাৰ টকা শৰ্মিষ্ঠাক নগাঁৱৰ ফুলগুৰিৰ বাসভৱনত বিহু উৎসৱ উদযাপন সমিতিৰ এটা প্ৰতিনিধি দলে সাক্ষাৎ কৰি প্ৰদান কৰে। শৰ্মিষ্ঠাৰ চিকিৎসাত কিছু সহায় হোৱাৰ বাবে এই সাহায্য প্ৰদান কৰা হয়। বিহু উৎসৱ উদযাপন সমিতিৰ এই পদক্ষেপৰ শৰ্মিষ্ঠাৰ লগতে পৰিয়ালৰ লোকে শলাগ লয়। বিহু উৎসৱ উদযাপন সমিতিৰ হৈ সভাপতি কনক হাজৰিকা, সম্পাদকদ্বয় পলাশ প্ৰতিম হাজৰিকা আৰু ৰিণ্টু গোস্বামীয়ে এই সাহায্য প্ৰদান কৰে।
প্ৰেৰক কনক হাজৰিকা