🔹 ই-ৰিক্সাচালকে হানি-খুঁচি হত্যা কৰে বন্ধুক
বিশেষ বাৰ্তা, ২৪ অক্টোবৰ : পূজাৰ আনন্দ-উল্লাসৰ মাজতে মহানগৰীক এক চাঞ্চল্যকৰ ঘটনাই জোকাৰি গৈছে। মহানগৰীৰ হেঙেৰাবাৰীত সংঘটিত হৈছে এক নৃশংস হত্যাকাণ্ড। আজি বিজয়া দশমীৰ দিনাই হেঙেৰাবাৰীত ই-ৰিক্সাচালকে আন এজন ই-ৰিক্সাচালকক হানি-খুঁচি হত্যা কৰে। তেজেৰে লুতুৰি-পুতুৰি অৱস্থাত উদ্ধাৰ হয় ব্যক্তিজনৰ মৃতদেহ। জানিব পৰা মতে, সামান্য কথাতে তিলেশ্বৰ দাস নামৰ লোকজনে খগেন দাসক ছুৰীৰে হানি-খুঁচি হত্যা কৰে। তিলেশ্বৰৰ ঘৰ হেঙেৰবাৰীত। হেঙেৰাবাৰীৰ ১নং এল পি স্কুলৰ সমীপতে এই ঘটনা সংঘটিত হয়।