নিয়মীয়া বার্তা, ৫ জুলাই : কালি নিশা কাছাৰৰ শিলডুবিত গুলীয়াগুলীৰ ঘটনাত চাঞ্চল্য বিয়পিছে। ডকাইতৰ দুই দলৰ মাৰপিটৰ সময়ত সংঘটিত হয় এই গুলীচালনাৰ ঘটনা। জানিব পৰা মতে, নিশা শিলডুবি অঞ্চলত ডকাইতৰ দুই দলৰ মাজত কাজিয়াৰ সৃষ্টি হয়। আৰু ৰাজপথত দুই ডকাইতৰ দলৰ মাজত তুমুল মাৰপিট সংঘটিত হয়। ঘটনা প্ৰত্যক্ষ কৰি স্থানীয় ৰাইজ একত্ৰিত হলে ডকাইতসকল পলাই যোৱাৰ বাবে শূন্যলৈ কেইবা ৰাউণ্ড গুলীচালনা কৰে। পিছে স্থানীয় ৰাইজে খেদি খেদি ডকাইতৰ গেঙৰ এজন ডকাইতক আটক কৰে। আৰু ঘটনাস্থলীৰ পৰা উদ্ধাৰ কৰে ১২ জাঁই হস্তনিৰ্মিত গুলী। ঘটনাৰ খৱৰ পাই ঘটনাস্থলীত আৰক্ষী উপস্থিত হৈ আহত ডকাইতজনক উদ্ধাৰ কৰি শিলচৰ মেডিকেল কলেজ হাস্পতালত প্ৰেৰণ কৰাৰ লগতে ৰাইজৰ হাতত আটক হোৱা আনজন ডকাইতক গ্ৰেপ্তাৰ কৰি লৈ যায়। ধৃত দুই ডকাইত হায়দৰ হুছেইন আৰু চামিম আহমেদ বুলি জানিব পৰা গৈছে।
প্ৰেৰক গৌতম তালুকদাৰ