বিশেষ বাৰ্তা, ৩১ মাৰ্চ : কাছাৰৰ দিগুনচৰা চাহ বাগিচাত শোকাৱহ ঘটনা সংঘটিত হয় ৷ বজ্ৰপাতত আহত হয় মহিলাসহ ৬জন চাহ শ্ৰমিক । আজি দিনৰ ভাগত বাগিচাখনত কাম কৰি থাকোঁতে হঠাৎ বজ্ৰপাতৰ ঘটনা সংঘটিত হয় । বজ্ৰপাতৰ ফলত বাগিচাত কাম কৰি থকা শ্ৰমিকসকল গুৰুতৰভাৱে আহত হয় । পিছে আহতসকলক ততাতৈয়াকৈ উদ্ধাৰ কৰি শিলচৰ মেডিকেল কলেজলৈ প্ৰেৰণ কৰা হয় । বজ্ৰপাতৰ এই ঘটনাত আহত হৈছে শ্ৰমিক বিমল তাঁতী, আশু চাষা, মেঘও তাঁতী, বেণু তাঁতী, ছেফালী তাঁতী আৰু টিকলু ভৌমিক । আটাইকেইজন বৰ্তমান মেডিকেল কলেজত চিকিৎসাধীন হৈ আছে । ইয়াৰ মাজৰ টিকলু ভৌমিকৰ অৱস্থা সংকটজনক ।