নিয়মীয়া বাৰ্তা, ২৪ আগষ্ট : বিশ্বনাথ জিলাৰ ইটাখোলাত আজি আৰক্ষীয়ে এক গোপন সূত্ৰৰ ভিত্তিত ইটাখোলাৰ দিকৰাই দলংৰ ওচৰৰ পৰা এখন টেম্পোত চৈবাৰীৰ পৰা অহা এহাল যুৱক -যুৱতীক গাঞ্জাসহ কৰায়ত্ত কৰিবলৈ সক্ষম হয়। কৰায়ত্ত কৰা উক্ত যুৱক-যুৱতীৰ বেগত কঢ়িয়াই অনা 15,330 গ্ৰাম গাঞ্জা উদ্ধাৰ হয় । উল্লেখযোগ্য যে উক্ত গাঞ্জাখিনি ওদালগুৰি জিলাৰ পৰা বিক্ৰী কৰিবলৈ ইটাখোলাৰ দিশে এখন টেম্পোত উঠি আহি থকা অৱস্হাত চতিয়া থানাৰ আৰক্ষী বিষয়া শ্যামল জ্যোতি শইকীয়া আৰু ইটাখোলাৰ আৰক্ষী চকীৰ আৰক্ষী বিষয়া ভাস্কৰ জোতি শইকীয়াৰ নেতৃত্বত এটি টহলদাৰী দলে গাঞ্জাসহ দুয়োকে কৰায়ত্ত কৰিবলৈ সক্ষম হয় । জানিব পৰা মতে, উক্ত সৰবৰাহকাৰী দুজন হৈছে সঞ্জু গয়াৰী, আৰু বীণা গয়াৰী। দুয়োৰে ঘৰ ওদালগুৰিত আৰু দুয়ো স্বামী-স্ত্ৰী বুলি উল্লেখ কৰিছে।
প্ৰেৰক শিবু মজুমদাৰ