নিয়মীয়া বাৰ্তা ৮ জুনঃ প্রব্রজিত শ্রমিকক বিভিন্ন ধৰণে সহায় কৰি বৰ্তমান চৰ্চা লাভ কৰিছে বলীউডৰ অভিনেতা ছনু ছুড । এইবাৰ মহাৰাষ্ট্ৰত আৱদ্ধ হৈ পৰা বৰাকৰ শ্ৰমিকসকলক বিমানযোগে আজি শিলচৰ প্ৰেৰণ কৰিব অভিনেতা ছনুয়ে ৷
এয়াৰ এছিয়া বিমানেৰে মুম্বাই ছত্ৰপতি শিবাজী বিমান বন্দৰৰ পৰা ১৭০ জন বৰাকৰ শ্ৰমিকক শিলচৰলৈ প্ৰেৰণ কৰিব অভিনেতা ছনুৱে ৷ জানিব পৰা মতে, এই বিমানখনে কুম্ভিৰগ্ৰাম বিমান বন্দৰত দিনৰ ১২.১০ বজাত অৱতৰণ কৰিব ৷
আনহাতে এই বিমানখনত ২৪ জন হোজাই আৰু ১০ জন গুৱাহাটীৰো শ্ৰমিক আছে ৷ ইফালে শিলচৰত বিমানখন অৱতৰণৰ পাছতে প্ৰশাসনে গুৱাহাটীৰ বিমানেৰে শিলচৰৰ পৰা গুৱাহাটীলৈ প্ৰেৰণ কৰিব এই শ্ৰমিককেইজনক ৷
