নিয়মীয়া বাৰ্তা, ৩ জানুৱাৰীঃ ৰাজ্যখনৰ বহু প্ৰতিভাই নিজ অধ্যাৱসায় আৰু সাধনাৰ জড়িয়তে ৰাষ্ট্ৰীয় পৰ্যায়ত সুখ্যাতি অৰ্জন কৰাই নহয় নিজৰ এক সুকীয়া স্থান দখল কৰিবলৈ সক্ষম হৈছে । শেহতীয়াকৈ মাৰ্ঘেৰিটাৰ এগৰাকী যুৱতীয়ে নিজ অভিনয় প্ৰতিভাৰ জৰিয়তে Sony TV ৰ হিন্দী চিৰিয়েলত মুখ্য ভূমিকাত অভিনয় কৰাৰ সুবিধা লাভ কৰি ৰাজ্যলৈ কঢ়িয়াই আনিছে বিশেষ গৌৰৱ ।
Sony TV ৰ BEYHADH- 2 চিৰিয়েলখনৰ “অনন্যা” নামৰ মূল নাৰী চৰিত্ৰটোত অভিনয় কৰিছে অসম জীয়ৰী কংগন বৰুৱা নাংগীয়াই ।
তিনিচুকীয়া জিলাৰ মাৰ্ঘেৰিটাৰ গৌতম বৰুৱা নাংগীয়া আৰু মনিকা বৰুৱা নাংগীয়া কণ্যা কংগন বৰুৱা নাংগীয়া। কংগনে অনুপম খেৰৰ ওচৰত ছয়মাহ অভিনয়ৰ পাঠ্যক্ৰম গ্ৰহণ কৰিছিল । দেৱীচৰণ বৰুৱা ,জাহ্নু বৰুৱাৰ পৰিয়ালৰ সম্পৰ্কীয় জীয়ৰী কংগনে জীৱনৰ প্ৰথমটো বিজ্ঞাপনত চুপাৰষ্টাৰ শ্বাহৰুখ খানৰ সৈতে অভিনয় কৰিছিল ।
ইংৰাজী নৱবৰ্ষত মাত্ৰ দুটা দিনৰ বাবে ঘৰলৈ অহা কংগনে চিৰিয়েল খনৰ এশটা খণ্ডৰ বাবে চুক্তিবদ্ধ হৈছে ।
ইতিমধ্যে ২৭ টা খণ্ডৰ চুটিং আৰু ২৩ টা খণ্ড সম্প্ৰচাৰ হৈছে । অভিনয়ৰে লগতে ভাৰতীয় সংগীতো সাধনা কৰে।