নিয়মীয়া বাৰ্তা, ২৩ আগষ্টঃ চন্দ্ৰপৃষ্ঠত চন্দ্ৰযান-৩ৰ সফল অৱতৰণৰ পিছমূহূৰ্তৰে পৰা ধুবুৰীত এতিয়া সৃষ্টি হৈছে দীপাৱলীসদৃশ পৰিৱেশৰ। চহৰখনৰ চুকে-কোনে উৎফুল্ল ৰাইজে হাতত জাতীয় পতাকা লৈ সৃষ্টি কৰিছে এক উৎসৱমুখৰ পৰিৱেশৰ। আনহাতে ভাৰতৰ চন্দ্ৰ বিজয়ৰ এই গৌৰৱময় ক্ষণত আজি সন্ধিয়া ধুবুৰী চহৰৰ চহৰৰ মাজমজিয়াৰ পাঁচমোৰত বিজেপিৰ কাৰ্যকৰ্তা আৰু সমৰ্থকসকলে ফটকা ফুটাই আনন্দ-উল্লাস কৰা দেখা যায়। বিজেপিৰ ধুবুৰী জিলাৰ সভাপতি প্ৰসেনজিৎ দত্ত, দলটোৰ অ’বিচি মৰ্চাৰ জিলা সভাপতি উত্তম কুমাৰ প্ৰসাদ, জ্যেষ্ঠ নেতা বিমল ওচোৱাল প্ৰমুখ্যে জেষ্ঠ নেতাৰ উপস্থিতিত হোৱা সেই কাৰ্যসূচীত সাধাৰণ ৰাইজেও স্বতঃস্ফূর্ত ভাৱে আগুৱাই আহি অংশ লোৱা দেখা যায়।
প্ৰেৰক অমিতাভ চক্ৰৱৰ্তী