নিয়মীয়া বাৰ্তা, ৮ জুলাই : ছয়গাঁও সমষ্টিৰ অন্তৰ্গত চাম্পুপাৰাৰ কলহী নৈৰ পাৰঘাটত আজিৰে পৰা দুদিনীয়াকৈ ৰাজ্যিক ভিত্তিত পৰস্পৰাগত নাওখেল প্রতিযোগিতা আৰম্ভ হৈছে ৷ জানিব পৰা মতে, চাম্পুপাৰা আঞ্চলিক যুৱ সংঘৰ উদ্যোগত অনুষ্ঠিত ৰাজ্যিক ভিত্তিত নাওখেল প্ৰতিযোগিতা আনুষ্ঠানিকভাৱে উদ্বোধন কৰে গৰৈমাৰীৰ ফখৰুদ্দিন আলী আহমেদ মহাবিদ্যালয় পৰিচালনা সমিতিৰ সভাপতি নুৰুল ইছলামে ৷ আনহাতে, প্ৰতিযোগিতাত ৰাজ্যৰ বিভিন্ন প্ৰান্তৰ পৰা খাজা বাবা, ভাই ভাই এক্সপ্ৰেছ, অসম বুলবুল, আলী বাবা, ৰাজমাতা, মা হাওৱা, পৱনজ্যোতি আদি দলে অংশগ্ৰহণ কৰে ৷ উল্লেখ্য যে বিভিন্ন প্ৰান্তৰ পৰা হেজাৰ হেজাৰ পুৰুষ-মহিলাৰ সৈতে শিশুসকলে নাওখেলৰ নান্দনিক দৃশ্য উপভোগ কৰিবলৈ চাম্পুপাৰাৰ কলহী নৈৰ দুয়োকাষে ভিৰ কৰা পৰিলক্ষিত হয় ৷
প্ৰেৰক নুৰুল ইছলাম