বিশেষ বাৰ্তা, ১০ আগষ্টঃ অব্যাহত আছে স্পেচিয়েল টাস্ক ফৰ্চৰ অভিযান। আজি ইউৰিয়া সাৰৰ বিৰুদ্ধে স্পেচিয়েল টাস্ক ফৰ্চে পুনৰ অভিযান চলায়। অভিযানত AS15 AS 6752 নম্বৰৰ এখন ট্ৰাক আমিনগাঁৱত জব্দ হয়। উক্ত ট্ৰাকখনত পিঁয়াজ বস্তাৰ মাজত আছিল ১০০ বেগ ইউৰিয়া সাৰ। স্পেচিয়েল টাস্ক ফৰ্চে আজিজুল সিকদাৰ নামৰ এজন ব্যক্তিক আটক কৰে।অনুসন্ধানত জনা মতে বৰপেটাৰ পৰা শিলচৰ হৈ মিজোৰামৰ দিশে লৈ যোৱা হৈছিল অবৈধ সাৰখিনি। চৰকাৰী হিচাপত এই সাৰখিনিৰ মূল্য প্ৰায় ৩০-৩৫ লাখ মান টকা হব। কিন্তু কলা বজাৰত ৫০ লাখ টকাৰো অধিক হব বুলি অনুমান কৰা হৈছে সাৰখিনিৰ মূল্য।