নিয়মীয়া বাৰ্তা, ২৭ ডিচেম্বৰ : বিলাসীপাৰাত পুনৰ এজন সন্দেহজনক জেহাদীক আটক কৰে । অসম আৰক্ষীৰ বিশেষ টাস্ক ফ’ৰ্চে বিলাসীপাৰাৰ বান্ধৱপাৰাৰ পৰা চাহিনুৰ ইছলাম (৩৬) নামৰ দুৰ্ধৰ্ষ জেহাদীটোক কৰায়ত্ত কৰিবলৈ সক্ষম হৈছে। টাস্ক ফ’ৰ্চে জেহাদীৰ বিৰুদ্ধে ৰাজ্যত চলাই থকা ‘প্ৰঘাত’ অভিযান তীব্ৰতৰ কৰি তুলিছে আৰু উক্ত স্থানত চলোৱা এই অভিযান কালতেই মষ্ট ৱাণ্টেড এই জেহাদীটোক গ্ৰেপ্তাৰ কৰা হয়। দুৰ্ধৰ্ষ জেহাদীটোৰ পৰা আৰক্ষীয়ে উৰ্দু ভাষাত লিখা “নুৰিলিজা” নামৰ ৮২৯ পৃষ্ঠাৰ এখন কিতাপ, শ্বেইখ নজিবুল্লাহ হাকানীয়ে লিখা “জানা ৱাহিদ” নামৰ ৪৭ পৃষ্ঠাৰ আন এখন কিতাপ, আধাৰ কাৰ্ড, পাছপৰ্ট, পান কাৰ্ড আৰু এটা মোবাইল ফোনৰ লগতে অন্যান্য আপত্তিজনক নথি-পত্ৰ জব্দ কৰে।
প্ৰেৰক সমৰেশ শীল শৰ্মা