🔹 ঈদৰ নিশা সহযোগীৰ সৈতে ধুবুৰী জিলা কাৰাগাৰত চলাইছিল উদ্ভণ্ডালি
নিয়মীয়া বাৰ্তা, ১২ এপ্ৰিল : কালি ঈদৰ নিশা নিজকে আৰপিএফ (ৰে’লৱে প্ৰটেকচন ফোৰ্চ)ৰ উপ-আৰক্ষী অধীক্ষক পৰ্যায়ৰ বিষয়া বুলি পৰিচয় দি ধুবুৰীৰ জিলা কাৰাগাৰত উদ্ভণ্ডালি কৰা এজন লোককে ধৰি আন এগৰাকী সহযোগীক আৰক্ষীয়ে আটক কৰা বুলি জানিব পৰা গৈছে। যোৱানিশা প্ৰায় ১১.৪৫ বজাত সংঘটিত হয় এই ঘটনা। ধুবুৰী চহৰৰ পাৰ্শ্বৱৰ্তী ঝগৰাৰপাৰ তৃতীয় খণ্ডৰ বাসিন্দা তথা স্বয়ম্ভু আৰক্ষী বিষয়া ৰৌশন মণ্ডল (৩৮) আৰু মণ্ডলৰ সহযোগী তথা ধুবুৰী চহৰৰ ৭নং ৱাৰ্ডৰ বাসিন্দা আৰিফ ইকবাল আহমেদ (৩১)ক ধুবুৰী সদৰ থানাত সোধা-পোছা চলাই আছে আৰক্ষীয়ে।
প্ৰেৰক অমিতাভ চক্ৰৱৰ্তী