নিয়মীয়া বাৰ্তা, ২৮ জুলাই : জোনাই কমলপুৰস্থিত দেউৰী ভৱনত জোনাই টাইকোৱানডো ক্লাবৰ উদ্যোগত অসম ৰাজ্যিক আন্তঃজিলা টাইকোৱানডো চেম্পিয়নশ্বিপত পদক অৰ্জন কৰা প্ৰতিযোগীক সম্বৰ্ধনা জনোৱা হয় ৷ শিৱসাগৰ চাউলুং চ্যুকাফা ষ্টেডিয়ামত ২২ তাৰিখৰ পৰা ২৪ জুলাইলৈ অনুষ্ঠিত অসম ৰাজ্যিক আন্তঃজিলা টাইকোৱানডো চেম্পিয়নশ্বিপত কেডেট ল’ৰা শাখাত মইনা দেউৰীয়ে (৬৭ কেজি) সোণ, ময়ূৰ শইকীয়াই (৫৯ কেজি) ৰূপ, ডেনিছ পাচাৰে (৫৬ কেজি) ৰূপ, কেডেট ছোৱালী শাখাত মামণি দলে (৪৪ কেজি) ব্ৰঞ্জ, জুনিয়ৰ ছোৱালী শাখাত সুমিত্ৰা দেউৰী (৪৯ কেজি)য়ে ব্ৰঞ্জ, জুনিয়ৰ ল’ৰা শাখাত মইনা দেউৰী (৪৮ কেজি)য়ে ব্ৰঞ্জৰ পদক লাভ কৰাৰ লগতে প্ৰতিযোগিতাত অংশগ্ৰহণ কৰা প্ৰতিযোগীসকলক চেলেং চাদৰেৰে সম্বৰ্ধনা জনোৱা হয়। বৃহস্পতিবাৰে জোনাই টাইকোৱানডো ক্লাবৰ উপ-সভানেত্ৰী পল্লৱী হাজৰিকা দলেৰ সভাপতিত্বত অনুষ্ঠিত আজিৰ সম্বৰ্ধনা সভাৰ উদ্দেশ্য ব্যাখ্যা কৰে সম্পাদক আৰ্নল্ড টায়েই ৷ অনুষ্ঠানত প্ৰশিক্ষক ফুঙ্খা নাৰ্জাৰী, উদ্যোক্তা অমৰজ্যোতি শইকীয়া, মৰমী শইকীয়া, ভাৰতীয় জনতা পাৰ্টীৰ পূব জোনাই মণ্ডল সমিতিৰ সভাপতি আদিত্য বৰুৱা, সম্পাদক বিনোদ দলে, সুৱল হাজং প্ৰমুখ্যে অভিভাৱকসকল উপস্থিত থাকে।
প্ৰেৰক কৰবী দলে