নিয়মীয়া বাৰ্তা ডিজিটেল, ৮ এপ্ৰিলঃ ৰাজ্যত ক্ৰমাৎ তীব্ৰতৰ হৈ উঠিছে লোকসভা নিৰ্বাচনৰ প্ৰচাৰ অভিযান। কোনো ক্ৰূটি নৰখাকৈ স্বতস্ফূৰ্তভাৱে অভিযান চলাইছে মন্ত্ৰী পীয়ূষ হাজৰীকাই। আজি মৰিয়নি সমষ্টিত বিজেপি প্ৰাৰ্থী তপন গগৈৰ হৈ জোৰদাৰ প্ৰচাৰ অভিযান চলায় মন্ত্ৰী পীয়ূষ হাজৰীকাই।
মৰিয়নি,কলিয়াপানী আৰু চেলেং মণ্ডলৰ ৯খনকৈ সভাত ভাগ লৈ নিৰ্বাচনী প্ৰচাৰ চলায় মন্ত্ৰীগৰাকীয়ে। ৰান্ধনি সহায়িকাক বিজেপিক ভোট দিবলৈ আহ্বান জনায় পীয়ূষ হাজৰীকাই। বিয়লি মৰিয়নি নাগাজাংকা ৰঙ্গমঞ্চত ৰান্ধনী আৰু সহায়িকাসকলৰ লগত মিলিত হোৱা এক সভাত তেওঁলোকৰ দুখ দুৰ্দশাসমূহ দূৰ কৰাৰ পদক্ষেপ হাতত লোৱা হ’ব বুলি উল্লেখ কৰে মন্ত্ৰীগৰাকীয়ে। লগতে বিজেপিক ভোট দিবলৈ আহ্বান জনায় মন্ত্ৰীগৰাকীয়ে। অন্যহাতে যোৰহাট লোকসভা সমষ্টিত আঢ়ৈ লাখ ভোটৰ ব্যৱধানত বিজেপি জয়ী হ’ব বুলি মন্তব্য কৰে মন্ত্ৰী হাজৰীকাই। লগতে ভূপেন বৰাৰ দিনতে অসমত কংগ্ৰেছ শূন্য হব বুলিও জনায়। এনেদৰে অত্যন্ত ব্যস্ততাৰে নিৰ্বাচনী প্ৰচাৰ অভিযানত নামি পৰিছে মন্ত্ৰী পীয়ূষ হাজৰীকা।