নিয়মীয়া বাৰ্তা, ৯ ছেপ্টেম্বৰ : মৰিগাঁও জিলাৰ ভূৰাগাঁও আৰক্ষী থানাৰ অন্তৰ্গত কুপতিমাৰী গাঁৱত অঘটন। তিনি বন্ধুৰ সৈতে ব্ৰহ্মপুত্ৰত গা ধুবলৈ গৈ সন্ধানহীন এগৰাকী কিশোৰ। সন্ধানহীন কিশোৰগৰাকীৰ নাম ছিদ্দাৰুল হুছেইন। ছিদ্দাৰুল হুছেইনে দিনৰ ২ মান বজাত তেওঁৰ তিনি সতীৰ্থৰ সৈতে ব্ৰহ্মপুত্ৰত গা ধুবলৈ গৈ সন্ধানহীন হয়। স্থানীয় ৰাইজৰ লগতে এছ ডি আৰ এফে অভিযান চলাই আছে যদিও বৰ্তমানেও সন্ধান লাভ কৰা নাই । ছিদ্দাৰুল হুছেইন কুপতিমাৰী গাঁৱৰ ছোৰহাব আলীৰ পুত্ৰ। এই ঘটনাই অঞ্চলজুৰি শোকৰ ছাঁ পেলাইছে।
প্ৰেৰক আবুল কালাম