নিয়মীয়া বাৰ্তা, ১৩ নৱেম্বৰঃ দীপাৱলীৰ আনন্দ উল্লাহৰ মাজতে গোৱালপাৰা জিলাৰ দুধনৈৰ ফ’ফলত অঘটন৷ ফ’ফলৰ প্ৰতিমা পাঠক নামৰ মহিলা এগৰাকীৰ গৃহত ভয়ংকৰ অগ্নিকাণ্ড সংঘটিত হয় ৷ এই অগ্নিকাণ্ডত সম্পূৰ্ণ ৰূপে জুইত জাহ যায় এখন বয়লাৰ ফাৰ্মৰ গৃহ ৷ অৱশ্যে গৃহৰ ভিতৰত নাছিল ব্ৰইলাৰ ৷ দাওদাওকৈ জ্বলি উঠা এই ভয়ংকৰ অগ্নিকাণ্ডত নিমিষতে জাহ যায় গৃহটি ৷ ঘটনাস্থলীত আৰক্ষী আৰু অগ্নিনিৰ্বাপক বাহিনীৰ লোক উপস্থিত হৈ স্থানীয় লোকৰ সহযোগত জুই নিৰ্বাপন কৰে যদিও গৃহটি ভস্মীভূত হয়৷ বিদ্যুতৰ শ্বট-চাৰ্কিতৰ ফলতে অগ্নিকাণ্ডৰ সূত্ৰপাত ঘটে বুলি স্থানীয় লোকে জানিবলৈ দিছে ৷
প্ৰেৰক বেনজিন বড়ো