নিয়মীয়া বাৰ্তা, ১২ ছেপ্টেম্বৰঃ তেজপুৰবাসীৰ বাবে সুখবৰ। তেজপুৰৰ মিছন চাৰিআলিত স্থাপন কৰা হ’ব এখন উৰণীয়া সেতু। কলিয়াভোমাৰা দলঙ অভিমুখী হ’ব এই উৰণীয়া সেতু। দীৰ্ঘদিন ধৰি স্থানীয় ৰাইজে তীব্ৰ যান-জটৰ সমস্যা সন্মুখীন হৈ আহিছে।
এই সমস্যাৰ সমাধানৰ বাবেই গড়কাপ্তানী মন্ত্ৰী হিমন্ত বিশ্ব শৰ্মাই আজি এক সংবাদমেলত এই কথা ঘোষণা কৰে। ইতিমধ্যে ৰাজ্য চৰকাৰে অনুমোদন কৰিছে পুঁজি। চলিতমাহৰ শেষৰ ফালে এই উৰণীয়া সেতুৰ আধাৰশিলা স্থাপন কৰা হ’ব বুলিও মন্তব্য কৰে মন্ত্ৰী ড০ শৰ্মাই।