নিয়মীয়া বাৰ্তা, ১৮ মাৰ্চঃ নাটক কৰি ভাল পোৱা ল’ৰাটো, মঞ্চত অভিনয়ৰ মাজেৰে জীৱনৰ সপোন ৰচিব খোজা ল’ৰাটো অংশুপ্ৰতীম শইকীয়া ৷ হয়তো বহুতৰে চিনাকি নাম হৈ পৰিছিল অংশুপ্ৰতীম। হঠাৎ ২১ বছৰীয়া অংশুপ্ৰতীমৰ জীৱনলৈ নামি অহা কাল অমানিশাই তেওঁৰ পিতৃ-মাতৃৰ লগতে দুখীয়া পৰিয়ালটিৰ চৌদিশে অন্ধকাৰ নমাই আনিলে।
কাৰ্বি আংলঙৰ দেওপানী গাঁৱৰ কম বয়সীয়া যুৱক অংশুপ্ৰতীম বৰ্তমান অতিশয় সংকটজনক অৱস্থাত গুৱাহাটীৰ এখন চিকিৎসালয়ত ভৰ্তি হৈ আছে ৷ বিশেষকৈ মহাপুৰুষ শ্ৰীমন্ত শংকৰদেৱ বিশ্ববিদ্যালয়ৰ পৰিৱেশ্য কলা বিভাগৰ নাটকৰ ছাত্ৰ অংশুপ্ৰতীম শইকীয়া লিভাৰৰ অতি সংকটজনক ৰোগত আক্ৰান্ত হৈ বৰ্তমান Nemcare Hospitalৰ I.C.U ত চিকিৎসাধীন হৈ আছে ৷
প্ৰতিভাধৰ যুৱকজনৰ চিকিৎসাৰ বাবে বহু পৰিমাণৰ মোটা ধনৰ আৱশ্যক হৈ পৰিছে ৷ ইতিমধ্যে বহুতো শুভাকাংক্ষীয়ে তেওঁক সহায়ৰ হাত আগবঢ়াইছে যদিও সেয়া যথেষ্ট নহয় তেওঁ জীৱনটো বচাবৰ বাবে ৷
আনহাতে অংশুপ্ৰতীম শইকীয়াৰ একাউন্টটো ‘জিৰ’ বেলেন্সৰ একাউন্ট’ হোৱা বাবে ১ লাখতকৈ অধিক ধনৰ লেনদেন নহয়। সেই কাৰণে বহু শুভাকাংক্ষীয়ে তেওঁলৈ ধন পঠিয়াব পৰা নাই বুলি আমি সামাজিক মাধ্যমৰ জৰিয়তে গম পাইছোঁ।
গতিকে হৃদয়ৱান ব্যক্তিসকলক অংশুপ্ৰতীমৰ পিতৃ-মাতৃয়ে সংবাদ মাধ্যমৰ জৰিয়তে বিনম্ৰতাৰে অনুৰোধ জনাইছে ব্যক্তিসকলে শক্তি অনুযায়ী অংশুপ্ৰতীমক সহায় কৰিব বিচাৰিলে তেওঁৰে নাট্য শিক্ষাগুৰু সোণমণি শৰ্মাৰ একাউন্ট নম্বৰত বৰঙণি দিব পাৰিব ৷
আপোনালোকৰ অকণমান সহায়ে এজন প্ৰতিভাধৰ যুৱক সুষ্ঠ কৰি তুলিব পাৰে। পুনৰ মঞ্চত অভিনয় কৰিবলৈ সক্ষম কৰাব পাৰে। সকলোৰে সুবিধাৰ বাবে তলৰ একাউণ্ট নম্বৰটো দিয়া হ’ল
Sonmoni Sarmah
Ac. 33821676673
IfSc:SBIN0007060