🔹 চামগুৰিৰ শিঙিমাৰীত কংগ্ৰেছ-বিজেপিৰ সংঘাত
নিয়মীয়া বাৰ্তা, ২৪ নৱেম্বৰ : চামগুৰিত কংগ্ৰেছ-বিজেপিৰ সংঘাত অব্যাহত আছে ৷ যোৱানিশা চামগুৰি পূব শিঙিমাৰীত কংগ্ৰেছ আৰু বিজেপি কৰ্মীৰ মাজত সংঘটিত হয় তীব্ৰ সংঘাত।বিজেপিৰ বিজয়োল্লাসত বাধা প্ৰদান কৰে উদণ্ড কংগ্ৰেছ সমৰ্থকে। নিশা চামগুৰিৰ বিজেপি প্ৰাৰ্থী দিপ্লুৰঞ্জন শৰ্মা জয়ী হোৱাত বিজেপি কৰ্মীয়ে পালন কৰি আছিল বিজয়োল্লাস। ঠিক সেই সময়তে পূব শিঙিমাৰীৰ কংগ্ৰেছৰ সমৰ্থক জিয়াবুৰ ৰহমান আৰু সাহেদ আলীয়ে ঘৰৰ পৰা চোকা অস্ত্ৰৰে আক্ৰমণৰ চেষ্টা চলোৱাৰ অভিযোগ বিজেপি কৰ্মী জাকিৰ হুছেইনৰ। ঘটনা সন্দৰ্ভত ৰূপহীহাট থানাত এক গোচৰ ৰুজু কৰে ভুক্তভোগী বিজেপি কৰ্মীয়ে। ঘটনাস্থলীত ৰূপহীহাট আৰক্ষী উপস্থিত হৈ তদন্ত আৰম্ভ কৰিছে ৷
প্ৰেৰক জহিৰুল ইছলাম