🔹 জোনাইৰ চিগাত ভয়াৱহ দুৰ্ঘটনা
নিয়মীয়া বাৰ্তা, ২৩ জুলাই : জোনাইৰ তাকেস্থিত চিগাত আজি ৰে’লে মহটিয়ালে এখন তিনিচকীয়া যাত্ৰীবাহী অটো। জানিব পৰা মতে, আজি দুপৰীয়া প্ৰায় ১ বজাত শন্তপুৰ ডেবিঙলৈ নিজ গৃহ অভিমুখে আহি থকা এখন তিনিচকীয়া অটো ৰে’ল লাইন পাৰ কৰিবলৈ লওঁতে ডেকাৰ গাঁৱৰ পৰা মুৰ্কংচেলেক অভিমুখে তীব্ৰ বেগত অহা ৰে’লখনে খুন্দিয়াই প্ৰায় ১০০ মিটাৰ পৰ্যন্ত মহটিয়াই নিয়ে। এই দুৰ্ঘটনাত অটোখনত থকা দুগৰাকী যাত্ৰীৰ সৌভাগ্যক্ৰমে প্ৰাণ ৰক্ষা পৰে। আনহাতে, দুৰ্ঘটনা সংঘটিত হোৱা AS-22 C-1720 নম্বৰৰ অটোখন চূৰ্ণ-বিচূৰ্ণ হৈ পৰে। আনহাতে, চিগাৰ এই ৰে’ল লাইন ক্ৰচিং পইন্টত বিভিন্ন সময়ত তেনে দুৰ্ঘটনা কেইবাবাৰো সংঘটিত হৈ বহু লোকৰ মৃত্যু হোৱা বুলি উল্লেখ কৰি শীঘ্ৰে উক্ত উন্মুক্ত ৰে’ল লাইন ক্ৰচিং পইন্টত এখন গেট নিৰ্মাণৰ বাবে ৰে’ল বিভাগক দাবী জনাইছে অঞ্চলটোৰ ৰাইজে।
প্ৰেৰক কৰবী দলে