নিয়মীয়া বাৰ্তা, ৩ এপ্ৰিল : গোৱালপাৰা জিলাৰ লক্ষীপুৰত সংঘঠিত এক জঘন্য ধৰ্ষণ কান্ডই লক্ষীপুৰ অঞ্চলত তীব্ৰ চাঞ্চল্যৰ সৃষ্টি কৰিছে। যোৱা পহিলা এপ্ৰিলৰ সন্ধিয়া বন্ধু এগৰাকীৰ সৈতে কুৰ্শ্বাপাকৰীৰ পৰা লক্ষীপুৰত হৈ থকা মেলা চাবলৈ আহিছিল ১৪ বছৰীয়া নাবালিকা। মেলা চাই ঘৰমুৱা হৈছিল নিশা প্ৰায় ১১ মান বজাত। নাবালিকাগৰাকীৰ বন্ধুজনে মেলাৰ পৰা গাদলাৰপাম লৈকে লৈ গৈ তাইক অকলে যাবলৈ দিছিল। কিন্তু ঘৰৰ পথ পাহৰি গৈ ইফাল সিফাল ঘূৰি আছিল। তেনেতে চাৰিগৰাকী যুৱকৰ সন্মূখীন হয়। যুৱক চাৰিজনে অকলশৰীয়া নাবালিকাক সুৰক্ষা দিয়াৰ পৰিবৰ্তে তাইক অকলে যাবলৈ দিয়ে আৰু যুৱক কেইজনেও ঘৰাঘৰি হয়। ক্ষন্তেক পিছতেই চাৰিজনৰ এগৰাকীয়ে ছোৱালীজনীক আগুৱাই দিব বুলি লগত যায়। শালহানা গাওঁৰ হাবিৰ মাজেৰে যাওতেই অকলশৰীয়া নাবালিকা ছোৱালীগৰাকীক ধৰ্ষণ কৰে। পিছ দিনা খনেই নাবালিকা গৰাকী পৰিয়ালৰ লোকক বিৱৰি কয়। আৰু পিছত লক্ষীপুৰ থানাত গোচৰ তৰে। কালিয়েই লক্ষীপুৰ থানাৰ ভাৰপ্ৰাপ্ত বিষয়া মনেশ্বৰ বে’ৰ নেতৃত্বত আৰক্ষীৰ দল এটাই চাৰিওগৰাকী যুৱকক থানা লৈ ধৰি আনে। ইয়াৰে গাদলাৰপামৰ নবিৰ হুচেইনক নাবালিকা গৰাকীয়ে চিনাক্তকৰণ কৰে। আৰক্ষীয়ে আজি নবিৰ হুচেইনক জেললৈ প্ৰেৰণ কৰে আৰু বাকী কেইজনক এৰি দিয়ে। নাবালিকাক অকলে ঘৰৰ পৰা মেলা চাবলৈ পঠাই দিয়া আৰু নবিৰে নাবালিকাগৰাকীক সুৰক্ষাৰ পৰিবৰ্তে উপৰ্যুপৰি ধৰ্ষণ কৰা কান্ডই লক্ষীপুৰত তীব্ৰ চাঞ্চল্যৰ সৃষ্টি হৈছে।
প্ৰেৰক মতিউৰ ৰহমান