নিয়মীয়া বাৰ্তা, ৯ ডিচেম্বৰ : ধুবুৰী জিলাৰ আগমনিত জববাৰ আহমেদৰ ঘৰত চোৰে চলালে চাফাই অভিযান। সন্ধিয়া ৬ বজাতে পিছফালৰ দুৱাৰ ভাঙি ঘৰত সোমায় চোৰ । গডৰেজ ভাঙি প্ৰায় তিনি ভৰি সোণৰ লগতে নগদ ধন লুট কৰি নিয়ে। সন্ধিয়া ৬ বজাত আহমেদে ঘৰৰ পৰা বজাৰলৈ যোৱাৰ পিছতে আহমেদৰ পত্নী চুপিয়া বিবিয়ে ঘৰৰ দুৱাৰত তলা মাৰি ওচৰৰে এঘৰলৈ ফুৰিবলৈ যায় । সন্ধিয়া ৭ বজাৰ পূৰ্বে মহিলাগৰাকীয়ে ঘৰত আহি তলা খুলি পিছফালৰ দুৱাৰ ভঙা দেখে । চোৰে ঘৰত সোমাই গডৰেজ ভাঙি সোণৰ অলংকাৰ আৰু নগদ প্ৰায় এক লাখ টকা লৈ যায় ।