নিয়মীয়া বাৰ্তা, ১৬ জানুৱাৰীঃ মৈৰাবাৰীৰ হাতীমূৰীয়াত চোৰক উত্তম-মধ্যম দি গতালে আৰক্ষীক। দীৰ্ঘ দিনৰ ধৰি অঞ্চলটোৰ বিভিন্নজনৰ ঘৰৰ পৰা গাজিবুৰ ৰহমান নামৰ কুখ্যাত চোৰটোৱে মটৰচাইকেল, সোনৰ গহনা পাতি, ইলেকট্ৰনিক মটৰ আদি বিভিন্ন ধৰণৰ সামগ্ৰী চুৰি কৰি আহিছিল। কিন্তু আজি কুখ্যাত চুৰ গাজিবুৰৰ কপাল বেয়া আছিল। নিশা গাজিবুৰে হাতীমূৰীয়া গাঁৱৰ ৰাব্বুল ইছলামৰ ঘৰত বিভিন্ন সামগ্ৰী চুৰি কৰি হাতে লোটে ধৰা পৰে। চোৰজনৰ কবলৰ পৰা ড্ৰাগছ সেৱন কৰা চিৰিঞ্জও পোৱা গৈছে। ইফালে ৰাইজে চোৰ গাজিবুৰক উত্তম মাধ্যম দি মৈৰাবাৰী আৰক্ষীক চমজাই দিয়ে। গাজিবুৰৰ বিৰুদ্ধে মৈৰাবাৰী থানাত একাধিক অপৰাধজনিত গোচৰ ৰুজু হৈ আছে বুলি জানিব পৰা গৈছে।
প্ৰেৰক তাৰিকুল ইছলাম