🔹 লুটি নিলে ৭০ হাজাৰ টকা : ডকাইতৰ আক্ৰমণত গুৰুতৰভাৱে আহত ১
নিয়মীয়া বাৰ্তা, ১৪ নৱেম্বৰ : ৰূপহীহাটৰ কঞ্চনপুৰত আজি আবেলি এক ডকাইতিৰ ঘটনা সংঘটিত হোৱা কাৰ্যই অঞ্চলজুৰি তীব্ৰ চাঞ্চল্যৰ সৃষ্টি কৰিছে ৷ ৬ জনীয়া ডকাইতৰ দল এটাই পথ আগচি লুটি নিলে ৭০ হাজাৰ টকাৰ লগতে দুটাকৈ ম’বাইল ফোন ৷ ৩খনকৈ বাইকত অহা ৬ জনীয়া এটা ডকাইতৰ দলে সংঘটিত কৰিলে এই পথ ডকাইতিৰ ঘটনা ৷ ছুলমান আলী আৰু মঞ্জিৰুল হক নামৰ দুজন লোকে বেংকৰ পৰা টকা উঠাই লৈ বৰতলৰ পৰা গড়াজানলৈ ই-ৰিক্সাৰে গৈ থকা অৱস্থাত চলায় এই লুটপাত৷ আলম হুছেইন নামৰ ই-ৰিক্সা চালকজনক ডকাইতৰ দলটোৱে আক্ৰমণ কৰি মাৰপিট কৰাত গুৰুতৰভাবে আহত হয় ৷আহত ই-ৰিস্কা চালকজনক শিঙিমাৰী প্ৰাথমিক স্বাস্থ্যকেন্দ্ৰত ভৰ্তি কৰোৱা হয় ৷ ঘটনাস্থলীত ৰূপহীহাট আৰক্ষী উপস্থিত হৈ তদন্ত আৰম্ভ কৰিছে ৷
প্ৰেৰক জহিৰুল ইছলাম