নিয়মীয়া বাৰ্তা, ২৫ জুলাই : বিশিষ্ট সংগীত পৰিচালক ৰমেন বৰুৱাৰ সন্ধানত কালিৰ পৰা ধুবুৰী জিলাৰ লুইতত আৰম্ভ হোৱা এছডিআৰএফৰ অভিযান আজিও অব্যাহত আছে। জানিব পৰা মতে, ধুবুৰী আৰু দক্ষিণ শালমাৰা-মানকাচৰ জিলাৰ বৰলুইতৰ দুৰ্গম আৰু ভাৰত-বাংলাদেশ সীমান্তৱৰ্তী অঞ্চলত চলি থকা সেই অভিযানত এছডিআৰএফৰ চাৰিটাকৈ দল নিয়োজিত হৈ আছে। ইয়াৰে ধুবুৰী জিলাৰ ধুবুৰী, বিলাসীপাৰা আৰু চাপৰৰ উপৰি দক্ষিণ শালমাৰা-মানকাচৰ জিলাৰ হাটশিঙিমাৰী অঞ্চলতো চলিছে এছডিআৰএফৰ সন্ধান অভিযান। অৱশ্যে এতিয়ালৈকে শুংসূত্ৰ ওলোৱা নাই বিশিষ্ট সংগীত পৰিচালক বৰুৱাৰ।
প্ৰেৰক অমিতাভ চক্ৰৱৰ্তী