নিয়মীয়া বাৰ্তা, ৬ জানুৱাৰী : শোণিতপুৰৰ লোক্ৰাৰ লাবৰঘাৰী চাৰিআলিত ১৯ জানুৱাৰীত লিম্বু মহাসভা অসমৰ শোণিতপুৰ জিলা সমিতিৰ দ্বিতীয়সংখ্যক ত্ৰি-বাৰ্ষিক অধিৱেশন আৰু লিম্বু জনগোষ্ঠীৰ পৰম্পৰাগত ককফেকৱা তংনাম অনুষ্ঠান আয়োজন কৰা হৈছে। এই উপলক্ষ্য আজি মাংগলিক বিধি অনুসৰি অনুষ্ঠানৰ লাইখুটা স্থাপন কৰা হয় লগতে শুভ উদ্বোধন কৰা হয় অস্থায়ী কাৰ্যালয়। অনুষ্ঠানত লিম্বু মহাসভা অসমৰ জিলা সভাপতি গেম লিম্বু, উদযাপন সমিতিৰ সম্পাদক টংক চুব্বা , গুৰুং সংঘৰ বলবীৰ গুৰুং, গুৰুং সংঘৰ ৰাজু গুৰুং, কিৰাত ৰায় মহাসভাৰ হৰি ৰায়, মগৰ সংঘৰ কেন্দ্ৰীয় উপ-সভাপতি সঞ্জয় থাপাৰ লগতে লিম্বু মহাসভাৰ কেন্দ্ৰীয় বিষয়ববীয়া, জিলা সমিতিৰ বিষয়ববীয়া, মহিলা প্ৰকোষ্ঠৰ বিষয়ববীয়া, ৰাইজ উপস্থিত থাকে।
প্ৰেৰক প্ৰাঞ্জল বৰা