নিয়মীয়া বাৰ্তা ডিজিটেল, ২৬ ফেব্ৰুৱাৰীঃ লেখক, আৰক্ষী বিষয়া, বিশিষ্ট কথাছবি পৰিচালক পার্থসাৰথি মহন্তৰ কথা আৰু জুবলী বৰুৱাৰ কণ্ঠত ভক্তিমূলক গীত ‘ঔম মহেশ্বৰ’ মুকলি কৰা হৈছে৷ ‘নীলকণ্ঠ/ সদাশিৱ/জঁটাধাৰী মহাদেৱ…’ শীর্ষক কলিৰে আৰম্ভ হোৱা গীতটোৰ সংগীত দীপকেশ বৰগোহাঁহৰ৷ গীতটোৰ প্রতিটো শব্দই আধ্যাত্মিক চেতনা বহন কৰাৰ উপৰি প্রভু শিৱৰ মাহাত্ম্য বর্ণনা কৰিছে৷ শ্রুতিমধুৰ সুৰ আৰু শব্দৰ মালিতাই ‘ঔম মহেশ্বৰ’ গীতটোত ভগৱান শিৱৰ অপৰিসীম শক্তি, সীমাহীন কৰুণা আৰু ঐশ্বৰিক শক্তিক সুন্দৰভাৱে উপস্থাপন কৰা হৈছে৷ উল্লেখ্য যে ইউটিডবত এই ভক্তিমূলক গীতটো উপলব্ধ হোৱাৰ মাত্র কেইঘণ্টামানৰ ভিতৰতে কেইবাহাজাৰ লোকে আদৰি লোৱা পৰিলক্ষিত হৈছে৷