নিয়মীয়া বাৰ্তা, ১৪ ডিচেম্বৰ : সমগ্ৰ ৰাজ্যৰ লগতে অসম বিধানসভাৰ কোকৰাঝাৰ পশ্চিম জনজাতি সমষ্টিৰ অধীনৰ সেৰফানগুৰিৰ ইনড’ৰ ষ্টেডিয়ামত তিনিদিনীয়া কাৰ্যসূচীৰে সমষ্টি পৰ্যায়ৰ সাংস্কৃতিক মহাসংগ্ৰাম অনুষ্ঠিত হয় । ১১ ডিচেম্বৰৰ পৰা আৰম্ভ হোৱা সাংস্কৃতিক মহাসংগ্ৰামত সমষ্টিৰ অধীনত থকা প্ৰতিভাৱান শিল্পীসকলে অংশগ্ৰহণ কৰে । প্ৰতিযোগিতাত অংশগ্ৰহণ কৰি সফলতা লাভ কৰা শিল্পীসকলক ট্ৰফী আৰু এখনকৈ প্ৰমাণ-পত্ৰৰে সম্বৰ্ধনা জনোৱা হয় । উক্ত সম্বৰ্ধনা অনুষ্ঠানত উপস্থিত থাকে দোতমা সমষ্টিৰ টিচিএলচিচিৰ চেয়াৰমেন তথা প্ৰাক্তন এমচিএলএ জ্যোতিৰইন্দ্ৰ ব্ৰহ্ম, খণ্ড উন্নয়ন বিষয়া বিমলা নাৰ্জাৰী আদিৰ লগতে বিশিষ্ট ব্যক্তিসকল । পুৰস্কাৰ বিতৰণী অনুষ্ঠানত উপস্থিত থাকি টিচিএলচিচিৰ চেয়াৰমেন জ্যোতিৰইন্দ্ৰ ব্ৰহ্মই অসমৰ মুখ্যমন্ত্ৰীক ধন্যবাদ জনোৱাৰ লগতে বিটিআৰপ্ৰধান প্ৰমোদ বড়োকো ধন্যবাদ জনায় ।
প্ৰেৰক কৃষ্ণ বৰ্মন