নিয়মীয়া বাৰ্তা, ১৯ জানুৱাৰীঃ আসন্ন বিধানসভা নির্বাচনৰ প্রস্তুতিৰ অংশ হিচাপে দেশৰ নির্বাচন আয়োগে অসমত ব্যস্ত থকাৰ সময়তে সোমবাৰে নির্বাচন বিভাগে প্রকাশ কৰিলে ২০২১ চনৰ চূড়ান্ত ভোটাৰ তালিকা৷ এই চূড়ান্ত ভোটাৰ তালিকা অনুসৰি ৰাজ্যখনত মুঠ ভোটাৰৰ সংখ্যা ২,২৯,৯২,৫০৫গৰাকী৷ ইয়াৰে ১,১৬,৫৬,৯২৬জন পুৰুষ আৰু ১,১৩,৩৫,৫৭৯গৰাকী মহিলা৷
ইতিপূর্বে প্রকাশিত খচৰা ভোটাৰ তালিকাৰ বিপৰীতে চূড়ান্ত তালিকাত ভোটাৰ বৃদ্ধিৰ হাৰ ২.৪৬ শতাংশ৷ আজি প্রকাশিত চূড়ান্ত ভোটাৰ তালিকা অনুসৰি ১৮–১৯ বছৰ বয়সৰ মুঠ ভোটাৰৰ সংখ্যা ৪,২০,৭০২গৰাকী৷ সেইদৰে ৰাজ্যখনত ৮০ বছৰ বয়সৰ ঊর্র্ধ্বৰ ভোটাৰৰ সংখ্যা ২,৯৩,৭১৩গৰাকী৷