খেল মহাৰণ ২.০, ভলীবল প্রতিযোগিতা উদ্বোধন প্রাইড ইষ্টৰ চিএমডি ৰিণিকি ভূঞা শর্মাৰ
এথলেটিকছত শ্রেষ্ঠ কামৰূপ গ্রাম্য, কাবাদীত স্বর্ণ জয় ডিব্রুগড়ৰ
নিয়মীয়া বাৰ্তা ডিজিটেল, ৫ এপ্ৰিলঃ উজ্জীৱিত প্রদর্শনৰ জৰিয়তে খেল মহাৰণৰ দ্বিতীয় সংস্কৰণৰ কাবাদী ইভেণ্টৰ ল’ৰাৰ ১৬ বছৰ অনূর্ধ্ব শাখাত ডিব্রুগড় বিজয়ী আৰু দৰং জিলাই ৰানার্ছআপৰ সন্মান অর্জন কৰিছে৷ অসম চৰকাৰৰ ক্রীডা আৰু যুৱ কল্যাণ বিভাগে আয়োজন কৰা ৰাজ্যিক পর্যায়ৰ প্রতিযোগিতাখনৰ কাবাদী ইভেণ্টটোৰ খেলসমূহ নেহৰু ষ্টেডিয়ামৰ দেশভক্ত তৰুণৰাম ফুকন ইনড’ৰত অনুষ্ঠিত হয়৷ ৰাজ্যৰ মুঠ ৩৫খন জিলাৰ ল’ৰা–ছোৱালী দলে অংশগ্রহণ কৰা প্রতিযোগিতাখনৰ ল’ৰাৰ ১৬ বছৰ অনূর্ধ্বৰ ফাইনেলত বিজয়ী ডিব্রুগডে দৰঙক ৩৬–২২ত পৰাভূত কৰে৷ ইফালে, ৰাজ্যৰ অন্যতম শীর্ষ মেগা ইভেণ্টটোৰ অন্তর্ভুক্ত ভলীবল প্রতিযোগিতাত অসমৰ কেউখন জিলাৰ পৰা অহা ১৭ বছৰ ঊর্ধ্ব আৰু অনূর্ধ্ব শাখাৰ ল’ৰা–ছোৱালী দলসমূহে অংশগ্রহণ কৰিছে সৰুসজাই ক্রীড়া প্রকল্পত আৰম্ভ হোৱা প্রতিযোগিতাখন আনুষ্ঠানিকভাৱে উদ্বোধন কৰে প্রাইড ইষ্ট এণ্টাৰটেইনমেণ্ট প্রাইভেট লিমিটেডৰ চিএমডি তথা অসম বাস্কেটবল সন্থাৰ মুখ্য পৃষ্ঠপোষক ৰিণিকি ভূঞা শর্মাই৷ অনুষ্ঠানত মুখ্যমন্ত্রীৰ বিশেষ কর্তব্যৰত বিষয়া ৰঞ্জিত ভট্টাচার্য, অসম চৰকাৰৰ ক্রীড়া আৰু যুৱ কল্যাণ বিভাগৰ সচিব কে জে হিলালী, সঞ্চালক প্রদীপ টিমুং, যুটীয়া ক্রীডা সঞ্চালিকা অন্তৰা গগৈ আদি উপস্থিত থাকে৷ আনহাতে সৰুসজাইৰ ইন্দিৰা গান্ধী এথলেটিক ষ্টেডিয়ামত সম্পন্ন প্রতিযোগিতাৰ এথলেটিকছ ইভেণ্টত কামৰূপ গ্রাম্য জিলাই যৌথভাৱে (ল’ৰা–ছোৱালী) সর্বাধিক ৪৯ পইণ্টেৰে শ্রেষ্ঠ, কামৰূপ মহানগৰ জিলাই ৪৪ পইণ্টেৰে দ্বিতীয় আৰু ডিব্রুগডে ২৫.৫পইণ্টেৰে তৃতীয় শ্রেষ্ঠ দলৰ সন্মান লাভ কৰে৷ ইয়াৰে ল’ৰাৰ শাখাত কামৰূপ মেড্র’, কামৰূপ গ্রাম্য, ডিব্রুগড আৰু ছোৱালীৰ শাখাত কামৰূপ গ্রাম্য, মাজুলী আৰু কামৰূপ মেট্ৰ’ই ক্রমে প্রথম, দ্বিতীয় আৰু তৃতীয় স্থান অর্জন কৰে৷ ১৭ বছৰ অনূর্ধ্ব ছোৱালীৰ শাখাত শ্রেষ্ঠ খেলুৱৈৰ সন্মান লাভ কৰে চৰাইদেডৰ লং জাম্পাৰ মেঘালী বুঢ়াগোহাঁই, ল’ৰা শাখাত যোৰহাটৰ অর্পণ টায়ে, ১৭ বছৰ ঊর্ধ্ব ছোৱালীৰ শাখাত বাক্সাৰ স্প্রিণ্টাৰ পাৰমিতা দাস আৰু ল’ৰাৰ ২০০ মিটাৰ শাখাৰ খেলুৱৈ কামৰূপ মেট্ৰ’ৰ ঋষি হাজৰিকাই৷ সামৰণী অনুষ্ঠানত বঁটাসমূহ বিতৰণ কৰে ক্রীডামন্ত্রী নন্দিতা গার্লোছা, ক্রীডা় সচিব কে জে হিলালী, সঞ্চালক প্রদীপ টিমুং আদিয়ে৷