🔹 তিনিচুকীয়াৰ কেইবাখনো দুৰ্গাপূজাত সেৱা লয় কেন্দ্ৰীয় মন্ত্ৰীগৰাকীয়ে
নিয়মীয়া বাৰ্তা, ৯ অক্টোবৰ : শাৰদীয় বতৰত মা দুৰ্গাৰ আশীৰ্বাদ বিচাৰি পুৱাই তিনিচুকীয়াৰ দাহাল বাবাৰ মন্দিৰত উপস্থিত হয় ডিব্ৰুগড় লোকসভা সমষ্টিৰ সাংসদ তথা কেন্দ্ৰীয় মন্ত্ৰী সৰ্বানন্দ সোণোৱাল। কেন্দ্ৰীয় মন্ত্ৰী সৰ্বানন্দ সোণোৱালে দাহাল বাবাৰ মন্দিৰত উপস্থিত হৈ যজ্ঞত অংশগ্ৰহণ কৰাৰ লগতে দাহাল বাবাৰ ওচৰত আশীৰ্বাদ গ্ৰহণ কৰে আৰু সকলোলৈ দুৰ্গাপূজাৰ শুভেচ্ছা জ্ঞাপন কৰে। দাহাল বাবাৰ মন্দিৰৰ পৰা ওলাই কেন্দ্ৰীয় মন্ত্ৰী সৰ্বানন্দ সোণোৱালে মানৱ কল্যাণ পূজা ভৱনত উপস্থিত হৈ মা দুৰ্গাৰ ওচৰত আশীৰ্বাদ লোৱাৰ লগতে চিৰাপত্তিৰ সাৰ্বজনীন দুৰ্গাপূজা কমিটীৰ সোণালী জয়ন্তী বৰ্ষৰ ফিতা কাটি শুভ উদ্বোধন কৰে ৷ পৰৱৰ্তী সময়ত তিনিচুকীয়াৰ কেইবাখনো দুৰ্গাপূজাৰ মণ্ডপত উপস্থিত হৈ মা দুৰ্গাৰ আশীৰ্বাদ গ্ৰহণ কৰে ৷ এই সময়ত কেন্দ্ৰীয় মন্ত্ৰী সৰ্বানন্দ সোণোৱালক সংগ দিয়ে শ্ৰমমন্ত্ৰী সঞ্জয় কিষাণ, সাংসদ ৰামেশ্বৰ তেলী, তিনিচুকীয়া উন্নয়ন প্ৰাধিকৰণৰ অধ্যক্ষ কাজল গোহাঁইকে আদি কৰি কেইবাগৰাকীও দলীয় কৰ্মকৰ্তাই।
প্ৰেৰক বিবেক বড়া