ষ্টাফ ৰিপ’ৰ্টাৰ, ১৮ জানুৱাৰী : নৱবর্ষৰ দৰে উৰুকা আৰু মাঘ বিহুত মহানগৰীত বৈ গ’ল সুৰাৰ বন্যা৷ উৰুকা আৰু মাঘ বিহুৰ দুয়োটা দিনত গুৱাহাটী মহানগৰীত বিক্রী হ’ল ১২.৫ কোটি টকাৰ সুৰা৷ আবকাৰী বিভাগৰ তথ্য অনুসৰি, ১৪ জানুৱাৰী উৰুকাৰ দিনা ৭.২ কোটি টকাৰ সুৰা বিক্রীৰ বিপৰীতে ১৫ জানুৱাৰী অর্থাৎ মাঘ বিহুৰ দিনা বিক্রী হয় ৪.৬ কোটি টকাৰ সুৰা৷ আনহাতে, এই দুটা দিনত সামগ্রিকভাৱে ৰাজ্যত বিক্রী হ’ল ২০ কোটি টকাৰ সুৰা৷ স্মর্তব্য যে নৱবর্ষত গুৱাহাটীত ৭.৮০ কোটি টকাৰ সুৰা বিক্রী হৈছিল৷ সুৰাৰ এনে বিক্রীৰ বিপৰীতে কিন্তু উৰুকা আৰু মাঘ বিহুৰ দিন দুটাত ১৫টাহে সুৰাজনিত ঘটনা সংঘটিত হৈছে৷