নিয়মীয়া বাৰ্তা, ৫ এপ্ৰিলঃ অশোকাষ্টমী স্নান উপলক্ষে বৰ্তমানে ধুবুৰীত বৰ্তমানে বিৰাজ কৰিছে উখল-মাখল পৰিৱেশ। আজি পুৱাৰে পৰা ধুবুৰীৰ চহৰৰ বৰলুইতৰ পাৰঘাটবোৰলৈ সোঁত বেছে পূণ্যাৰ্থীৰ। অশোকাষ্টমী অষ্টমী স্নান কৰিবলৈ যোৱাকালি বিয়লি পৰাই ধুবুৰী জিলাকে ধৰি নামনি অসমৰ উপৰিও চুবুৰীয়া পশ্চিমবংগ আৰু মেঘালয়ৰ পশ্চিম গাৰোপাহাৰ জিলাৰ বিভিন্ন অঞ্চলৰ ৰাইজ আহি উপস্থিত হৈছে ধুবুৰীত। উল্লেখ্য যে, লোকবিশ্বাস অনুসৰি অশোকাষ্টমীৰ এই বিশেষ দিনটোত বৰলুইতৰ পানীত প্ৰৱাহিত হয় গংগা নৈৰ পানী। সেই লোকবিশ্বাসক সাৰথি কৰি প্ৰতিবছৰে কেৱল ধুবৰী জিলাৰেই নহয়; অসমকে ধৰি মেঘালয়ৰ পশ্চিম গাৰোপাহাৰ জিলা, চুবুৰীয়া পশ্চিমবংগৰ বিভিন্ন প্ৰান্তৰ পৰা ধুবুৰীলৈ আগমন ঘটে হাজাৰ হাজাৰ পূণ্যাৰ্থীৰ। ইপিনে অশোকষ্টমীৰ স্নান সৈতে সংগতি ৰাখি প্ৰতিবছৰে ধুবুৰীত অনুষ্ঠিত হৈ অহা ১৫ দিনীয়া অশোকাষ্টমী মেলাখনো আজিৰ পৰা আৰম্ভ হৈছে ধুবুৰীত।
প্ৰেৰক অমিতাভ চক্ৰৱৰ্তী