বিশেষ বাৰ্তা, ২৬ জুন : বিহালী বৰগাঙত পলাতক গভাইত চোৰ এটাক আজি বৰগাং আৰক্ষীয়ে আটক কৰে। চোৰটোৰ নাম ভুবনেশ্বৰ ভূঞা । চোৰটোৱে ২৪ জুনৰ নিশা বৰগাঙৰ চাবেদ আলীৰ গৃহৰ লগতে বিগত সময়ত বহুকেইটা চুৰি কাৰ্যৰে জড়িত আছিল। চোৰটোৰ সন্ধানত বৰগাং আৰক্ষীয়ে বিভিন্ন ঠাইত অনুসন্ধান অব্যাহত ৰাখি আজি পুৱা ৬ বজাত বৰগাং ৰেল ষ্টেচনৰ মানুহ এঘৰত বাহৰ পাতি থকা অৱস্থাত আটক কৰে। চোৰটোৰ লগত আৰু কোন কোন জড়িত আছে আৰক্ষীয়ে সোধা-পোছা চলাই আছে। চোৰটো ধৰা পৰাত ৰাইজে স্বস্তিৰ নিশ্বাস পেলাইছে।
প্ৰেৰক অমিতাভ বৰুৱা