নিয়মীয়া বাৰ্তা, ২ ফেব্ৰুৱাৰী : বৰপেটাৰ আলোপতিচৰ আৰক্ষী থানাৰ অন্তৰ্গত খাটিয়ামাৰীৰ প্ৰগতি মছজিদত চোৰে যোৱানিশা তাণ্ডৱ চলায় | নিশা চোৰে মছজিদৰ ভিতৰত সোমাই দান বাকচৰ তলা ভাঙি লুটি নিয়ে দান-বৰঙণিৰ ধন | ৰাজ্যত আইন-শৃংখলাৰ যেন ব্যাপক অৱনতি ঘটিছে, বৃদ্ধি পাবলৈ ধৰিছে চোৰৰ উপদ্ৰৱ । নিশা হ’লেই চোৰৰ অতপালিত অতিষ্ঠ হৈ পৰে গঞা |কি ধৰ্মীয় অনুষ্ঠান, কি ব্যক্তিগত-ৰাজহুৱা-চৰকাৰী অনুষ্ঠান-প্ৰতিষ্ঠান, সকলো যেন মুঠেই সুৰক্ষিত নহয়। কাকো ৰেহাই নিদিয়া হৈছে চোৰে। সকলোতে চলে চোৰৰ তাণ্ডৱ, লুটপাত। মছজিদৰ দান বাকচৰ টকাও চোৰে লৈ যোৱাৰ দৰে ঘটনা পোহৰলৈ অহাত সচকিত হৈ পৰিছে সকলো |
প্ৰেৰক সঞ্জীৱ কুমাৰ দাস