🔹 সৰ্বস্বান্ত স্কুল-কলেজীয়া ছাত্ৰৰ পৰা বৃদ্ধলৈকে
নিয়মীয়া বাৰ্তা, ৭ জানুৱাৰী : ৰূপহীহাটত তীৰ খেলৰ বিৰুদ্ধে আৰক্ষীৰ অভিযান অব্যাহত আছে ৷ ৰূপহীহাট আৰক্ষীয়ে আজি দুপৰীয়া এক গোপন সূত্ৰৰ পম খেদি ফুটালজাৰত তীৰ খেলৰ বিৰুদ্ধে চলায় এক অভিযান ৷ আৰক্ষীৰ অভিযানত আটক হয় তিনি তীৰ খেলৰ বুকী ৷ ধৃত তীৰ খেলৰ বুকীকেইটা হ’ল মজিবুৰ ৰহমান, আনোৱাৰ হুছেইন আৰু ৰফিকুল ইছলাম ৷ আৰক্ষীয়ে বুকীকেইটাৰ পৰা তীৰ খেলৰ বুক দুটা, ম’বাইল ফোন তিনিটা আৰু নগদ ৬৩৩০ টকা জব্দ কৰে ৷ উল্লেখ্য যে ধৃত তীৰ খেলৰ বুকীকেইটাই দীৰ্ঘদিন ধৰি তীৰ খেলৰ ৰমৰমীয়া বেহা চলাই যোৱাত স্কুল-কলেজীয়া ছাত্ৰৰ পৰা বৃদ্ধলৈকে তীৰ খেলত সৰ্বস্বান্ত হৈ পৰিছিল ৷ ধৃত বুকীকেইটাক আৰক্ষীয়ে অধিক তথ্যৰ বাবে জেৰা অব্যাহত ৰাখিছে ৷
প্ৰেৰক জহিৰুল ইছলাম