নিয়মীয়া বাৰ্তা, ৯ অক্টোবৰ : দুলীয়াজানৰ কাষৰীয়া ভাদৈ আৰক্ষী চকীৰ অন্তৰ্গত অঞ্চলত দীৰ্ঘদিন ধৰি চলি অহা পশুধন চুৰি কাণ্ডত স্থানীয় ৰাইজ অতিষ্ঠ হৈ পশুধন চুৰি কাণ্ড ৰোধ কৰাৰ বাবে প্ৰতিবাদ সাব্যস্ত কৰে। নিশা হ’লেই চোৰৰ আতংকত নিদ্ৰা হৰে স্হানীয় ৰাইজৰ। এনে এক চুৰি কাণ্ডত জড়িত তিনি অভিযুক্তক আজি স্হানীয় ৰাইজে চৰ-ভুকু শোধাই আৰক্ষীক গতাই দিয়াৰ লগতে চুৰি কাণ্ড বন্ধ কৰাৰ দাবী জনায়। আনহাতে, গৰু চুৰি কাণ্ডত ব্যৱহৃত এখন টাটা এচি গাড়ীসহ তিনিটা গৰু ৰাইজৰ সহযোগত ভাদৈ আৰক্ষীয়ে জব্দ কৰিবলৈ সক্ষম হয় ৷
প্ৰেৰক কৃষ্ণা গগৈ