নিয়মীয়া বাৰ্তা, ৯ মাৰ্চ : বিজনীৰ পাণবাৰীৰ ২ নং কদমগুৰিত পাণবাৰী বনাঞ্চলিক বিষয়া, বনকৰ্মী আৰু আৰক্ষী বেটেলিয়নৰ যৌথ অভিযানত তিনিজন চোৰাং চিকাৰী আটক হয় । এই অভিযানত তিনিজন চোৰাং চিকাৰীক আটক কৰিবলৈ সক্ষম হয় অভিযানকাৰী দলটোৱে। আটকাধীন চোৰাং চিকাৰীকেইজন অশোক ব্ৰহ্ম (২৭ ), ধনশিং গয়াৰী (২৫), বেৰগো মুছাহাৰী (৪০) । আটকাধীন চোৰাং চিকাৰী দুজনৰ গৃহ কদমগুৰিত আৰু বেৰগো মুছাহাৰীৰ ঘৰ লাৰুগাঁৱত। লগতে তিনিজন চোৰাং চিকাৰী পলাতক অৱস্থাত আছে । চোৰাং চিকাৰীকেইজনৰ পৰা দুটা বন্দুকসহ চিকাৰত ব্যৱহৃত সা-সামগ্ৰীৰ লগতে জীৱ -জন্তু অংশ জব্দ কৰে।
প্ৰেৰক বৰ্ণালী তালুকদাৰ