নিয়মীয়া বাৰ্তা, ২৫ মেঃ তিতাবৰৰ ঠেঙ্গাল কছাৰী স্বায়ত্ত শাসিত পৰিষদৰ মুখ্য কাৰ্যালয়ত আজি পৰিষদৰ মুখ্য কাৰ্যবাহী সদস্য কুমুদ চন্দ্ৰ কছাৰী, উপ-মুখ্য কাৰ্যবাহী সদস্য প্ৰতাপ কছাৰীৰ উপস্থিতিত মুখ্য কাৰ্যালয়টোৰ বাবে ৭ গৰাকী লোকক নিযুক্তি প্ৰদান কৰে যোৰহাট লোকসভা সমষ্টিৰ সাংসদ তপন কুমাৰ গগৈয়ে৷ ইয়াৰ উপৰি ১০০ গৰাকী হিতাধিকাৰীক ট্ৰেক্টৰ, ২৪০ টা সাংস্কৃতিক কেন্দ্ৰলৈ আৰ্থিক অনুদান আৰু প্ৰায় ১৫০০ দিব্যাংগ লোকক আৰ্থিক সাহাৰ্য্য হিচাপে চেক প্ৰদান কৰে৷ অনুষ্ঠানত যোৰহাট জিলা বিজেপিৰ কেইবাজনো বিষয় ববীয়ায়ো উপস্থিত থাকে।