নিয়মীয়া বাৰ্তা, ৫ জুনঃ বিশ্ব পৰিৱেশ দিৱসৰ সৈতে সংগতি ৰাখি আজি বঙাইগাওঁ জিলাৰ যোগীঘোপা অঞ্চলৰ বিভিন্ন প্ৰান্তত বিদ্যালয়-মহাবিদ্যালয়, ধৰ্মীয় অনুষ্ঠান, ৰাজহুৱা অনুষ্ঠান আদিৰ চৌহদত বৃক্ষৰোপণ কাৰ্যসূচী ৰূপয়ণ কৰা হয় । অঞ্চলটোৰ একাংশ সামাজিক সংগঠন তথা প্ৰকৃতিপ্ৰেমী লোকে বিভিন্ন স্থানত পৰিৱেশ দিৱস উপলক্ষে বৃক্ষৰোপণ কাৰ্যসূচী হাতত লয় । বিভিন্ন অনুষ্ঠান-প্ৰতিষ্ঠানৰ লগতে সদৌ বঙাইগাঁও জিলা ইটা ভাটা মালিক সংস্থাই আজি বিশ্ব পৰিৱেশ দিৱস উপলক্ষে অঞ্চলটোৰ ইটা ভাটাসমূহত শতাধিক মূল্যৱান গছপুলি ৰোপণ কৰে ।সংস্থাৰ সভাপতি হেলিম বৰুৱা, সম্পাদক জাহিদুৰ ৰহমানৰ লগতে আন আন বিষয়াববীয়া, ইটা ভাটাৰ স্বত্বাধিকাৰ-কৰ্মচাৰীয়ে অঞ্চলটোৰ প্ৰতিটো ইটাভাটাত মূল্যৱান গছপুলি ৰোপণ কৰে ।
প্ৰেৰক টিংকু চন্দ্ৰ দাস